Tashmë kanë kaluar dy ditë nga koncerti i madh që Rita Ora i fali publikut prishtinas, por emocionet e këtij koncerti janë duke u përcjellë edhe më tej, jo vetëm nga mediet shqiptare, shkruan KultPlus.

Tashmë shumë fotografi e video kanë qarkulluar nga performanca e yllit botëror në Kosovë. Ajo krijoi një atmosferë të mrekullueshme kur nisi të luaj vallen e Rugovës. Por në interpretimin e kënges së fundit “Anywhere”, derisa falendëron publikun, Rita mezi mban lotët. “Shumë bukur po dukeni krejt, faleminderit”, shprehet Rita në ato momente, pak para ndriçimit të qiellit me fishekzjarrë. /KultPlus.com