Pas një sëmundje të rëndë është ndarë nga jeta mbrëmë në Cyrih të Zvicrës, koreografi, piktori dhe udhëheqësi shumëvjeçarë i Shkollës së vallëzimit “Shota” në Cyrih, Agron Bajrami.

Bajrami ka udhëhequr shoqatën për më shumë se 25 vite, duke organizuar me qindra prezantime në mbarë Zvicrën dhe vende të ndryshme të Evropës.

Shoqata “Shota” ka qenë ambasadori më i mirë i kulturës shqiptare të shprehur përmes valles, jo vetëm në Zvicër ku ka qendrën, por edhe gjithandej Evropës.

Vitin e kaluar kjo shoqatë në shenjë pakënaqësie më mosmbështetjen e Ministrisë së Diasporës dhe Qendrën Kulturore të Republikës së Kosovës në Zvicër, kishte ndërprerë çdo lloj bashkëpunimi.

Agron Bajrami është i lindur në Prishtinë, në vitin 1964. Në kohën sa ka jetuar në Kosovë ai ka qenë anëtar i Ansamblit të Valleve “Shota”. /rtv21/KultPlus.com