Me faktin se Kina nuk e ka transmetuar performancën e Shqipërisë dhe Irlandës në natën e parë të Eurovizionit, kanë pasur edhe ndëshkimet për Mango TV në Kinë.

Transmetuesi kinez natën e parë, me 8 maj, në gjysmëfinalen e parë të Eurovizionit nuk transmetoi performancën e Eugent Bushpepës shkaku i tatuazheve të tij, dhe performancën e këngëtarit irlandez shkaku se gjatë performancës paraqiten dy meshkuj në skenë, më të afërt dhe të relaksuar me njëri tjetrin.

Megjithatë, Mango TV është përjashtuar nga Unioni i Transmetuesve Evropianë dhe kësisoj nuk është më pjesë e familjes së Eurovizionit e nuk do të mundë ta transmetojë festivalin atje.

Mostransmetimi i këngës së Shqipërisë dhe Irlandës në gjysmëfinale është një shkelje e rëndë e rregullave, ka deklaruar EBU – Unioni i Transmetuesve Evropianë që përkujdeset për të drejtat televizive të Eurovizionit.

Në anën tjetër, të dyja këngët janë kualifikuar për në finalen e datës 12 maj. / KultPlus.com