Ylli botëror Dua Lipa sot ka zënë vend në shkrimet e shumë medieve të huaja për performancën e saj në emisionin e njohur Jimmy Kimmel Live, shkruan KultPlus.

Dua Lipa ka gëzuar një sukses të jashtëzakonshëm me albumin e saj të titulluar “Dua Lipa” dhe me këngën e saj “New Rules”. Ndërsa këtë vit, ajo solli këngën “IDGAF”, e cila po korr shumë sukses. Së fundmi një performancë të kësaj kënge e ka dhënë tek “Jimmy Kimmel Live”.

Gjatë këndimit të këngës “IDGAF”, këngëtarja Dua Lipa shfaq një energji të jashtëzakonshme. Ndërsa ajo këndon këtë këngë, teksti i saj paraqitet prapa e që bën që edhe publiku ta këndojë këngën së bashku me të.
https://www.youtube.com/watch?v=t9QxlDaI3Y4

Së fundmi këngëtarja shqiptare, ka pasur një shkëputje nga skena për shkaqe shëndetësore ndërsa ka paralajmëruar se nga sonte ajo do t’i kthehet koncerteve në Australi./ KultPlus.com