Rita Ora sonte do të sjellë koncertin më të mirë ndonjëherë në Kosovë.

Kështu tha ajo vetë sot në konferencën për media, para koncertit të saj sonte në kryeqytet.

“Dua ti bëj njerëzit të lumtur, sot është dita e festës dhe jam nervoze për këtë paraqitje. Kur kam nisur të këndoj kam qenë ndër të vetmet këngëtare shqiptare. Sot është Bebe Rexha, Dua Lipa dhe emra të tjerë që kanë arritur famën, dhe kjo më bën të ndihem mirë” ka thënë mes tjerash Rita sot në konferencë.

Ajo sonte do të ngjitet në Prishtinë në koncertin e saj, pas orës 22:00.

Në konferencë ajo ka uruar Pavarësinë e Kosovës, dhe ka thënë se është e lumtur që në këtë ditë gjendet në Kosovë.

“Kur vjen nga një vend i vogël, duhet ta dish se me anë të muzikës mund të kesh efekt. Për mua ka qenë udhëtim i gjatë e i lodhshëm por sonte vendi më i mirë për mua është Kosova, dhe mund të isha kudo tjetër por jam këtu” ka treguar Rita në këtë konferencë.
Rita gjatë konferencës e ka bërë shqiponjën – simbolin kombëtar, me duart e saj, ndërsa nuk ka preferuar të flasë më shumë se dhjetë minuta, sa ishte edhe koha e pyetjeve.
Ajo thotë se kurrë nuk thotë kurrë, prandaj një bashkëpunim në të ardhmen i Ritës, Duas dhe Bebe Rexhës, nuk është një ide e keqe. / KultPlus.com

Foto: Valerie Plesch / Twitter