Në moshën 80 vjeç je ende i ri. Në moshën 90-vjeçare, nëse paraardhësit tuaj ju ftojnë për në parajsë, kërkojuni të presin derisa të arrini të 100-at.

Kjo është fjalia që mund të lexohet në hyrje të fshatit Ogimi, qyteti i vogël në ishullin Okinawa, Japoni, ku jeton përqendrimi më i lartë i 100-vjeçarëve në botë.

Sipas shkencëtarëve, arsyeja e kësaj jetëgjatësie qëndron në klimën shumë të butë dhe stilin e jetës së shëndetshme dhe veçanërisht të relaksuar.

Por, çfarë shpjegimi mund t’i jepet jetëgjatësisë dhe aftësisë së lakmueshme për të qëndruar në formë të atij brezi të frikshëm rockerësh anglezë, të lindur në fillim të viteve 40, të cilat sigurisht nuk ishin një model i jetës së shëndetshme apo të relaksuar?

Sir Roderick David Stewart, i njohur nga të gjithë si Rod, mbush 80 vjeç dhe ai gjithashtu po arrin moshën e tij të nderuar në një formë sensacionale: Paul McCartney, i cili është 83 vjeç, sapo ka përfunduar një turne botëror, Mick Jagger është 82 vjeç dhe ”ende kërcen si një flutur dhe thumbon si një bletë”.

Dhe lista është e gjatë: tani nëse do të bashkonit litrat e alkoolit të konsumuar gjatë gjithë jetës vetëm nga Rod Stewart, fshati Ogimi do të përmbytej brenda pak ditësh.

Me sa duket, ata që zgjodhën të përjetonin rock’n’roll në Anglinë e pasluftës pritej të kishin një bonus jetë të gjatë duke përjashtuar aksidentet gjatë rrugës, nëse mund t’i quash pasojat ekstreme të abuzimeve të caktuara.

Sir Rod, i cili pavarësisht se ka lindur në Londër është një tifoz i ”Celtic Glasgow”, në homazh ndaj origjinës skoceze të babait të tij (i cili gjithashtu mbështeti ”Hibernian Edinburgh”) dhe si djalë vendosi të bëhej këngëtar në vend të një futbollisti, ”sepse të luash futboll dhe të deheshe ishte shumë më e vështirë”, thotë ai në autobiografinë e tij.

Rod Stewart depërtoi në Amerikë dhe prej andej filloi karrierën e tij solo, ku shiti 120 milionë disqe.

Falë Faces, miku i tij i përjetshëm Ronnie Wood iu bashkua ”Rolling Stones”.

Tani ai ka një karrierë 60-vjeçare pas tij, me disa seri mbresëlënëse suksesesh, tetë fëmijë nga pesë nëna të ndryshme dhe disa divorce shumë të shtrenjta: por ajo që ka më shumë rëndësi është se ai ka një agjendë plot./KultPlus.com