Këngëtarja kosovare Dua Lipa është takuar dje në Prishtinë me kryetarin Shpend Ahmeti.

Dua kësisoj dje, para koncertit të madh për të cilin KultPlus raportoi vazhdimisht me gazetarët e saj në koncert, morri Çelësin e Qytetit nga Ahmeti.

Fotografitë të cilat ajo më pas i postoi në rrjetin social Instagram, siç bën gjithmonë ajo, nxitën jo befasishëm urrejtjen e serbëve që komentuan klishenë “Kosovo je Srbija”.

Dhe kjo ndodhë shpesh, sidomos në rastet kur këngëtarët janë nga Kosova dhe korrin suksese jashtë vendit.

Jo se Serbia nuk ka këngëtarë të mirë dhe të tillë që kanë suksese edhe jashtë kufinjve të Serbisë, por gjithmonë ekziston tendenca për komente të tilla.

Dua ka postuar edhe fotografinë ku bën shqiponjën me duar, bashkë me kryetarin Ahmeti, krahas fotografive tjera gjatë takimit që e pati me të parin e kryeqytetit kosovar. / KultPlus.com