Me datë 1 janar të vitit 2015-të, për herë të parë në koncertin e madh të Vitit të Ri të Filarmonisë së Vjenës erdhën motive shqiptare.

Kjo falë Shkëlzen Dolit, artistit të njohur shqiptar që bën pjesë në këtë formacion dhe që është krenaria të gjithë shqiptarëve. Muzika shqipe u performua nga Filarmonia e Vjenës ndërsa emocioni i shpirtit shqiptar u ndoq nga mbi 50 milion shikues.

90-të shtete të botës patën mundësinë të njoftoheshin me shpirtin shqiptar, me videon “Albanian Soul” ku performon edhe violinist Shkëlzen Doli.

Videoja edhe sot është e famshme në internet dhe u mundëson qytetarëve të botës të njoftohen me muzikën shqipe.
Shkëlzen Doli, në anën tjetër, muajin tjetër vjen në Tiranë me një koncert të madh ku do të rikthehet pas shumë kohësh. / KultPlus.com