Shqiptarja Eleni Foureira ka nxjerrë këngën e re.

Këngëtarja me origjinë shqiptare ka sjellë së fundmi këngën “Triumph”, e cila është klikuar rreth gjysmë milioni herë në pesë ditë të qarkullimit në Youtube.

Ajo ka treguar se kënga u kushtohet femrave dhe grave, për triumfin e tyre në jetë dhe për pavarësinë që ato duhet ta kenë.

Ky është projekti i radhës muzikor nga Foureira, pas ‘Tomame’ dhe ‘Fuego’, të dyja këngët hite në Evropë vitin e kaluar.

Eleni u radhit e dyta në Eurovizion 2018, pas fitueses nga Izraeli. Ajo e vazhdoi rrugëtimin e saj nëpër shumë shtete të Evropës dhe është ndër këngëtaret më aktuale, me projekte të reja shumë shpesh. / KultPlus.com