Asnjëherë nuk është mjaft kur flasim për Muharrem Qenën.

Një shpirt i veçantë që krijoi art në fusha të ndryshme, Qena me zërin e tij na la disa këngë të cilat dëgjohen edhe sot.

Përtej këngëve, tekstet e tyre të cilat shpesh i shkroi ai vet kanë vlerën e tyre dhe tej emocionit janë edhe të thella dhe poetike. Askush më mirë se Muharremi nuk do ta dinte se cili tekst do ti përshtatej një zëri njomak të Muharremit.

Shembull, për muajin tetor flet kënga “Ndarja”. Një tekst i tetorit me shi, të cilin sonte po e sjellim për ta kujtuar Muharremin dhe figurën e tij. / KultPlus.com

“Tetori filloi me shi,
me shi të ftohtë që rigon,
rigon dhe zemra ime
se ndahet prej teje
për nji motmot.
Tetori më ndan prej teje
prej teje ndahet dhe zemra
zemra që s’pushon së rrahuni
se do t’jet’ pranë teje
për nji motmot.”