Malika quhet vajza e re nga Kazakistani që përmes një video ka uruar të gjithë shqiptarët në 106 vjetorin e Pavarësisë së Shqipërisë, shkruan KultPlus.

E veshur në ngjyrë të kuqe, ajo ka ndarë disa fjalë në gjuhën shqipe për të uruar popullin shqiptar me këngën “Xhamadani vija vija”, kjo këngë në çdo festë përcjellë ndjenja patriotike ndërsa është kompozuar në vitin 1993, nga Zef Çoba.

Sot në të gjitha trevat shqiptare shënohet 106 vjetori i Pavarësisë së Shqipërisë. Shqipëria shpalli pavarësinë më 28 nëntor 1912 në Vlorë. Kryeministër i parë u zgjodh Ismail Qemajli, i cili edhe udhëhoqi procesin dhe ceremoninë e shpalljes së pavarësisë./ KultPlus.com