Meat Loaf, ylli amerikan i rrokut, i njohur për “Bat Out of Hell”, një nga albumet më të shitura të të gjitha kohërave, ka vdekur në moshën 74-vjeçare, transmeton KultPlus.

Këngëtari dhe aktori, i njohur ndryshe si Michael Lee Aday, shiti më shumë se 100 milionë disqe në mbarë botën dhe pati role në filmat “The Rocky Horror Show” dhe “Fight Club”.

Me hite duke përfshirë titullin 10-minutësh të këngës nga “Bat Out of Hell”, “Paradise by the Dashboard Light” nga i njëjti album dhe “I’d Do Aything for Love (But I Won’t Do That )”, apeli i Meat Loaf shtrihej përtej fansave të hard rock-ut.

Këngëtari ka ndërruar jetë me bashkëshorten në krah. Vajzat e tij, Pearl dhe Amanda, kishin qenë me të në orët e tij të fundit. Asnjë shkak i vdekjes nuk u zbulua menjëherë.

“Zemrat tona janë thyer për të njoftuar se i pakrahasueshëm Meat Coaf ka ndërruar jetë”, tha familja e tij në një deklaratë. “Nga zemra e tij në shpirtrat tuaj … kurrë mos ndaloni së tunduri!”./ KultPlus.com