Kompozitori i njohur kosovar Memli Kelmendi, po vazhdon suksesshëm punën e tij, ku veprat të cilat ai i kompozon jepen premierë nëpër vende të ndryshme të Evropës dhe jo vetëm, shkruan KultPlus.

Kësisoj është edhe vepra e tij e sapo kompozuar ‘Silentium Est Pax’ (për SSMsTB), e cila së shpejti do të interpretohet premierë në Francë nga ‘Sottovoce Ensemble’. Këtë gjë e ka bërë publike vetë kompozitori Kelmendi, nëpërmjet rrjetit social Facebook, ku është shprehur mjaft i lumtur për këtë gjë.

“Dua të ndaj lajmin me ju që vepra ime e sapo kompozuar “Silentium Est Pax” (për SSMsTB) së shpejti do të interpretohet Premierë në Francë nga “Sottovoce Ensemble”, vepër e cila është kompozuar enkas për këtë ansambël dhe këtë formacion vokal”, ka shkruar Kelmendi./ KultPlus.com