Visar Kuçi Trio do të performojë në Lumbardhi të shtunën me 23 qershor.

Visar Kuçi Trio u formua në 2013 dhe është i përbërë nga Visar Kuçi (Kitarë), Enver Muhamedi (Doublebass), Enes Bajramliqi (Bubnje). Ata morën pjesë në shumë evente të ndryshme dhe në festivale si Prishtina Jazz Fest në Prishtinë, Mirëdita/Dobardan në Beograd.

Pas koncertit promovues të albumit të tyre të parë “Modern Waves” në dhjetor të vitit 2017 Visar Kuçi Trio vjen për herë të parë në Prizren për një koncert autorial.

“Koncerti i parë në Prizren do të jetë njëherësh edhe i pari i një numri të koncerteve që do të organizohen gjatë muajve në vijim e që do të mbahen në Kosovë, Maqedoni, Turqi dhe Gjermani. Ky koncert promovon muzikën autoriale të trios nga studio albumi i tyre i parë

Modern Waves” i cili u publikua në dhjetor të vitit të kaluar.” U shpreh Visar Kuçi.

Repertori i tyre përfshinë komponime prej Jazz-it klasik deri te ai eksperimental dhe natyrisht komponimet e tyre origjinale.

Koncerti do të filloj në orën 21:00 dhe biletat do të shiten në Lumbardh me çmim prej 2 Euro. / KultPlus.com