Alberina Haxhijaj

Më 30 qershor në Voskopojë të Korçës do të mbahet koncerti i artisti Vlashent Sata, shkruan KultPlus.

Të gjithë ata që vikendin dëshirojnë që ta kalojnë në Voskopojë të Korçës do të kenë mundësi që të bëhen pjesë e koncertit të artistit Vlashent Sata, i cili për herë të parë do të luajë në Korçë.

Koncerti është pjesë e festimeve të shumta në Shqipëri të cilat bëhen për të promovuar vlerat dhe kulturën shqiptare, por jo vetëm këto, pasi që me një theks të veçantë këto festa kanë edhe ruajtjen dhe promovimin e kulturave bujqësore e të tjera.

Vlashent Sata, u shpreh për KultPlus, i emocionuar për koncertin pasi që kjo është hera e parë që ai do të luajë në jug të Shqipërisë.

“Është hera e parë që unë luajë në Korçë. Më kanë zgjedh mua për të luajtur në një nga koncerte më të rëndësishme të këtij programi e që hyn në kuadër të disa festa në Shqipëri, ku kjo është pak a shumë më e madhja”, tha fillimisht ai.

Në kuadër të koncertit ai po ashtu do të promovojë edhe këngën e tij të re në frëngjisht e që është pritur mjaft mirë edhe në Francë.

“Jam shumë i lumtur që po ndodh ky koncert pasi që do bëjë bashkë shqiptarë nga Maqedonia, Kosova dhe nga Shqipëria. Jam shumë i lumtur pasi që në një mënyrë më kanë zgjedhur edhe si artist përfaqësues pasi që rizgjoj muzikën shqiptare si me ZaFest si drejtor i tij, apo edhe me muzikën time që luhet gjithandej në botë. S’ka dy javë që jam kthyer nga një festival në Francë “Festival Tons Voisinsku” ku kam promovuar një këngë të re në frëngjisht e që ka ecë mjaft mirë atje e që do e sjell edhe këtu”, pohoi Sata për KultPlus.

https://www.facebook.com/VlashentSata/videos/10155478125262826/

Koncerti fillon nga ora 20:00, ndërsa Vlashent Sata do të shoqërohet edhe nga Gent Rushi, Ermal Rudi dhe Emilian Dhima. Ky koncert mbështet nga Ministria e Bujqësisë dhe Bashkia e Korçës./ KultPlus.com