Regjisori Kushtrim Mehmeti ka reaguar në rrjetet sociale rreth intervistave me gratë e dhunuara gjatë luftës në Kosovë.

Një pjesë e intervistave zakonisht bëhen me këto gra anonime, ose me fytyra të mbuluara dhe të montuara.

Reagimi i Kushtrimit është ky:

Femrat e dhunuara gjatë luftës nuk duhet ta mbulojnë fytyren ne intervista, fytyren duhet ta mbulojm ne qe nuk kemi bërë asgjë per ato.
Nena ime, motra ime, mos u mashtro,sot ne shikojmë ndonjë mundësi përfitimi nga ju, ne harrojmë “marren” kur përpara kemi paranë, e ti mos u mashtro ,nuk kemi ndryshuar vetëm po shikojmë mundësin si mund te kthejmë “turpin” në monedha, për ne dashuria nuk ekziston, mirësia nuk ekziston. Ne shikojmë paranë e ndonjë misioni, ndonjë organizate dhe bëjmë projekte, për “juve” qe t’u “ndihmojmë”
Heroina ime mos u tremb, shteti mbahet nga zhvatësit, ne jemi shoqëri zhvatëse, ti mos prano të zhvatesh e mos u tremb , ti nuk ju trembe as Serbit, ne jemi frikacak dhe ashtu do mbesim.
Po te kërkoj qe qëndrosh e fort, e palëkundur, ballëhapur, e guximshme, ti je Heroina ime, me fal nëse të kam paragjykuar, atëherë isha i ri dhe mentaliteti i atyre “burrave” te paraluftës nuk më lejonte të mendoja me kokën time, sot të vlerësoj dhe kërkoj nga te gjithë, ne shenjë mirënjohjeje , mbështetje , t’u lehtësojmë dhimbjet assesi tua shtojmë.
Çdo grua e dhunuar në luftë është Nëna ime, motra ime,heroina ime
Me dashuri respekt;
Djali juaj, Vëllai juaj, I Dashuri juaj / KultPlus.com