Nezir Kraki / Facebook

Sonte e keni rastin me pa sa racistë e sa jonjerëzorë janë një numer i madh i shqiptarëve.

Foto-montazhe, statuse, komente raciste dhe të padinjitetshme i pushtuan muret injorante të mendimtarëve fejsbukorë që botën e kanë 2km katror.

E çka është më e keqja, shqiptari kur është racist, është racist idiot. I pavetdijshem, çnjerëzor.

Lojtarët me ngjyrë në ekipin e Francës janë Franca e vërtetë. Gjyshërit e tyre kanë luftu për Francën qysh në Luften e Parë boterore. Këta janë shumica gjenerata e tretë dhe e katërt që lindin këtu. Janë persona që përmes sportit kanë arritë ta thyejnë murin e padukshem të ndarjes klasore që ende është realitet në shumë vende evropiane. Fiks sikur lojtarët shqiptarë të Zvicres apo vendeve tjera.
Ju me këtë racizem primttiv dhe idiot jeni në vijë me rrymat fashiste dhe neonaziste eveopiane që janë duke ju izolu atje ku jeni.

Sa për kujtesë e njohuri:
Franca e Evropa kanë dy shekuj që thithin çdo pasuri nëntokësore afrikane. Çdo afrikan konsiderohet sot moralisht bashkpronar i çdo gjëje evropiane. 90% e uraniumit që e prodhon 70% të rrymes evropiane vjen nga Afrika. Por a dini çka? 75% e afrikaneve janë pa rrymë edhe sot. Nga viti 2030 sipas te gjitha studimeve serioze, emigrimi do ndrrojë kahje. Kontinentet tjera do i versulen Afrikes si tokë e re ku gjithçka duhet të ndërtohet dhe sistemohet, sikur
n’Evropën e vitit 1945. Vetem n’Afrikë do ketë ngritje ekonomile dyshifrore në 50 vitet e ardhshme.

Dhe t’ju them të drejtën, për mua çdo afrikan që arrin n’Evropë i gjallë është hero i vërtetë. Kujtojeni rastin e atij që u ngjit për 25 sekonda në katin e 4 per ta shpetu një francez të bardhe derisa me dhjetra francezë e evropianë shikonin si spektakel në pritje të aktit final tragjik.

Tash merreni telefonin e googloni pak histori mos na ndotni fejsbukun me idiotsira. Dhe mos harroni që kolektivisht jeni duke prit me u shendrru në refugjatë sapo t’ju jepet rasti. Kështu që mos u tallni me refugjatë ose ish refugjatë që sot janë yje, qofshin ata të zi, të bardhë apo të verdhë.

/nk/