Linditë RAMUSHI DUSHKU

T’ka ra buzëve langu i gojës tem
bash si tamli i nanës
q’i pikon gjinit 
pos t’vluem untjes(urisë) tande
edhe dashnisë t’urueme
për me t’ra kaherë e njejta urë
me i kalu madhnitë e jetës
nga gjini i butë
n’gojë e zemër t’njomë
dashnie përqafuem veç teje.

T’ka ra tamli nxehtë
buzëve
si me t’pas nêm-urue orët e malit
si ato t’bardhat llastueme fatit që i sjellin fustanet e holla
mbështjellna kambësh
…e njâ si ti
qapitet për me i pa e ngopë natyrën
e synin
me l’shu n’djersë që t’lagin edhe hukamën.

Druej se ke ra edhe ti dashnie
në mue
kulluem tamlit t’nanës
n’buzët e mia t’valës
për pa e dit sa t’mujnë.