Poezi nga Afrim Demiri

Basmen që nuk e bleva për ty

nuk shitet në dyqanin e çarshisë

Ka mbetun e vjerun

n’vitrinë si kujtimi im

për ty

Nanë

Lulet e saja bojëpembe

të trembuna nga pikëllimi im

Në ojnat shamisë tande

m’përngajnë

Ajo copë basme

në supin e një kukulle

Si epoletë mbretëreshe

Hirin tand ma sjell

Atë copë basme

si nuk e bleva

atë basme pambuku

Jo për ty

Po dhembjen time

ta pshtjellja me të / KultPlus.com