Poezi nga Francis Carco

Bie shi. Sa bukur! Të dua.
Në shtëpi bashkë do të rrimë.
Asgjë nuk na pëlqen më fort ty e mua
Tani që po ikën kjo stinë.

Bie shi. Taksitë vijnë e venë
Dhe autobusët rendin plot.
Rimorkiatorët nëpër Senë
zhurmojnë… sa një fjalë nuk kupton dot!

Sa bukur: Bie shi. Mbaj vesh
Pikat e shiut që verbërisht
Godasin e kërcasin mbi qelq…
Ti më buzëqesh dhembshurisht.

Të dua. Oh, zhurmë e shiut vjeshtak
Që dënesë si një ndarje diku.
Ti do të ikësh prej meje pas pak.
Thua se bie shi në sytë e tu.