Musa Ramadani

Fillimisht isha një Zero ku banonte Dashuria
Dashuria lëvarej në Njësh tek ngrihesha mbi kërryle
Pastaj u bëra Dysh e në mua u pjesëtua Dashuria
Dashuria u kthye në Tresh mes dy gjysmëharqesh
Kur arrita në Katërsh lindën tri “L” nga Dashuria
Dashuria ime në Pessh u lakua e u përthye si ashti
Ndërmjet 6 dhe 9 rrotullohej e vërtitej Dashuria
Dashuria në Shtatsh fitoi një vijë mu në trup po
Në numrin Tetsh u mbyllën dy rrathët e Dashurisë
Dashuria hyri në Dhjetsh me 1 të vogël 0 të madhe
Atëherë zu të këndonte Këngën e mjellmës Dashuria
Dashuria ime gulçonte pleqërisht mes Zeros e Njëshit

/Mars 1993/ KultPlus.com