Qendresa Loki

Te shpija e babës shkoj ma rrallë
M’shtojnë mërzi dheu e gurt n’oborr
E n’bodrum ka shumë rrjeta merimangash
Ka shumë pluhun
E pak i bjen drita.
Aty, n’dollap ka shumë gjana t’babës
Nana i run.
Nji ditë i shpalosa kutitë
M’bajshin erë dheu
Erë njeriu prej dheut
Baba u kanë puntor
Ka mbajt k’puca e dorëza pune
Nji pal k’puca t’leshta ngjyrë kafe
Trujtuna si me kan’ t’reja
Dorëzat n’formën e dorës babës
I nuhata fort e i shtrëngova
Iu vinte era punë,
Era babë.

( Sot 10 vite, e baba çdo ditë rrnon n’kujtime)/ KultPlus.com