Poezi nga Rrahman Dedaj

Nisesh nga vetja pa u hamendur
E qet një hap dhe hapin tjetër
Dhe mund të jesh fatlum
Nëse hapin e tretë
E qet sërish përpara

Duhet t’i mësosh hapat
Të ecin edhe prapa shpine
Në të mëngjër e në të djathtë

Nuk dihet si kryqëzohen rrugët
Si ngatërrohen pa gisht tregues

Mos u hamend
Asnjë lavdi s’ka udhëtuar larg
Asnjë largësi s’është afruar krejt

Është e rëndësishme
Të ecësh vetë. / KultPlus.com