Janë zbuluar kësisoj dhjetë finalistët e konkursit të poezisë ‘KultStrofa’.

Edicioni i dytë i konkursit na sjellë autorë e autore të cilat kanë sjellë krijimet e tyre poetike, dhe të cilat janë dalluar në mesin e konkurrentëve të tjerë.

Gjatë javës në KultPlus janë zbuluar finalistët e këtij edicioni.

Emin Emini, Manjola Brahaj, Sibel Halimi, Erlind Sulko, Arjola Zadrima, Adem Gashi, Arlinda Guma, Liridon Mulaj, Brikenë Ceraja-Beka dhe Shkumbin Haxha janë dhjetë finalistët e këtij edicioni.

Nata kryesore e konkursit të poezisë, organizimi letrar “KultStrofa”, do të mbahet me 7 SHKURT, e mërkurë, në ora 18:00 në Hamam Bar në Prishtinë.

Finalistët do të lexojnë poezitë e tyre, ndërsa do të jetë një mundësi tjetër e njohjes mes adhuruesve të poezisë dhe letërsisë. Të dhjetë finalistët por edhe të dashuruarit pas poezisë dhe të tjerët konkurrentë të këtij edicioni janë të ftuar të bashkohen në këtë natë leximi poezish në kryeqytet.
Sponsor gjeneral i këtij edicioni është ProCreditBank, ndërsa sponsorë të tjerë janë Hamam Jazz Bar, Rockuzinë dhe Hotel Nartel.

Konkursin e organizon KULTPLUS – e para gazetë shqiptare online e dedikuar vetëm për art dhe kulturë. / KultPlus.com