Shkruan: Enver Sulaj

Harrim i bukur

Nëse në stinën e luleve fjala përdridhet si reja drejt qiellit
S’ke pse ikën lëndinës së pikëllimit
Ndalu
Bëhu gur legjende

Nëse ndonjëherë e ke dashur dikë më shumë se vetja
S’ke pse vrapon shtigjeve të trishtimit

Ndalu
Bëhu strehë vetmie
Nëse je verbuar nga sytë e verdhë e je bërë harrim i bukur

S’ke pse hesht si i marrë në çmendinë
Nisu
Bëhu rrëfim dashurie. /KultPlus.com