Poezi nga Donart Rexhbogaj.

Me kenë gegë
âsht
si me notue qiellit
diellit m’i përzanë retë,
me t’shejtnue hyjet
e tani
mu kthye zbathun
lugjeve t’verdha
me u mbshtjell me myshkun e ahut
harlisun me gërmue vorrin e Omerit
n’rrasën e gurit me shkrue nji emên t’humbun…
N’dy g’juj kam me râ
tuj fshâ e gjëmue
dashunisht me t’thanë
hînin tând o gegë
do e zhdjerg’ rrafshit!
Se me kenë gegë
duhet rilind edhe nji herë
n’djepin e arit
n’zhgun t’zi me t’përkundë nana
prâjshëm me t’kêndue
nina-nana…