Kjo do të jetë përbërja e jurisë së edicionit të dytë të konkursit të poezisë ‘KultStrofa’.

Kryetare e jurisë është Erenestina Gjergji Halili, shkrimtare dhe pedagoge e letërsisë shqipe. Poetesha Erenestina Gjergji Halili ka kryer studimet e larta universitare në Universitetin e Tiranës, në degën e Gjuhës dhe Letërsisë, si dhe kursin akademik të Gazetarisë. Ajo është shquar si gazetare e televizionit dhe e medieve të shkruara, kryeredaktore e TVSH, udhëheqëse e producente e politikës. Sot mban gradën Doktor i Shkencave Filologjike.

Pjesë e jurisë është edhe Halil Matoshi. Matoshi është publicist dhe gazetar, së fundmi i angazhuar edhe në politikë. Matoshi ka shkruar tek gazeta e studentëve “Bota e re” (1984-1986) dhe tek “Zëri i rinisë” ndërsa më pas ka qenë gazetar e redaktor në disa të përditshme kosovare. Vitin e kaluar ai ishte një ndër tre finalistët e konkursit “KultStrofa” ndërsa këtë vit kthehet në konkurs në cilësinë e anëtarit të jurisë.

Anëtari i tretë dhe i fundit i jurisë së konkursit “KultStrofa” është shkrimtari Adil Olluri. Olluri, shkrimtar dhe studiues, së fundmi ka marrë pjesë në një festival letrar në Beograd dhe në Kikindë, ndërsa “Kthimi i babait” është përkthyer në gjuhën serbe. Olluri është i angazhuar në revistën “Jeta e Re” ndërsa është përkthyer në gjuhën italiane. . Tregimi “Letra e një ushtari të huaj” i Adil Ollurit është botuar vitin e kaluar në “Kroniko de Balkanio”.

Sponsor gjeneral i këtij edicioni është ProCreditBank, ndërsa sponsorë të tjerë janë Hamam Jazz Bar, Rockuzinë dhe Hotel Nartel.

Nata kryesore e konkursit të poezisë, organizimi letrar “KultStrofa”, do të mbahet me 7 SHKURT, e mërkurë, në ora 18:00 në Hamam Bar në Prishtinë.

Konkursin e organizon KULTPLUS – e para gazetë shqiptare online e dedikuar vetëm për art dhe kulturë. / KultPlus.com