Poezi e shkruar nga Fjolla Avdylaj. Poezia është në mesin e dhjetë poezive finaliste të konkursit ‘Poezi për Paqe’ organizuar nga KultPlus dhe UnWomen.

E patëm kriju nji botë tonën
Miliona të tjerë pas na patën ardhë
Të njëjtë s’ishim, njëjtë duheshim
Tjetër gjâ s’dinim, pos dashni me falë.
Ylber me trupat tanë patëm kriju
Si ngushëllim për dorën që dorën s’e kapi kurrë mâ
Për veshin që s’e dëgjoi ma t’dashtunin zâ.
Për zemrat që bashkë mâ s’rrahën.
Pak shkëndijë për drita dikur të fikuna
Ma shumë se shpresë për plot andrra të plagueme
Për mu’ këtu, e ty në cepin tjetër të globit
Për atë lirinë fort të kërkueme.
Po, patëm kriju nji botë të mbushun plot jetë
Për mu’ e ty
Për ne që paqja ish e vetmja e vërtetë.