Linditë Ramushi – Dushku

Zoti m’ka folë me vesh
si grue
ma diftoi dashninë
m’foli butë
qetë më tha
si me t’zaptue ty.

N’vesh më tha
sikur flet nji grue
që di me shkru andrra
n’sy te fjetun e t’zgjuem

Krejt t’i rrëfeva
si psalmë
për te dielen e bekueme
t’i kallxova krejt rremat e zemres
sikur numrohen gishat e dorës
…deri te llafi i gjyshes t’i thash
grueja duhet mi pas njiqind pal mend
me dasht e me mujt
tan jeten
me pas çka me kallxue.

Ashtu si me foli Zoti mue
veç me t’bekue nji grue
e me u djege âmel per ty…/KultPlus.com