Shqipe Bytyqi

Njerëzit as e marrin vesh
si ndahen s‘gjalli
aq e lëmueshme di me qenë ndamja
si fillimi vdekjes
që s‘pari zverdh hundë e gojë
e rrëshqet trupit si gjarpën i ftohtë
Në fakt, vdekja fillon para lindjes
qeliza që kryejne detyrën e tyne
e më pas vdesin
algoritme që me plan
ndizen e fiken

Ndamja asht si vdekja
lundron atij lumi t’vdekjes
me dy monedha mbi sy
për ma t‘mbramen pagesë

Njerëzit as e marrin vesh
si ndahen s‘gjalli
si miqësi e dashuri
rastisin, bijnë në agoni
paçka lidhur për direk anije
edhe genin tand
dijnë ta mposhtin Circet

Njerëzit
as e marrin vesh…/ KultPlus.com