Poezi nga Liridon Mulaj.

Në natën e qytetit
Ecën shpirti lakuriq
Dinjiteti poshtë tij lëngon
Në këmbë të rënda varen kohërat

Në natën e qytetit tim
Dritat mbushen në bulza vaji
Femra shpirtgrisura rendin kapilarëve
Këmbëzbathura
Shpirt vrara
Moral përdhosura
Shitur blerë
Varur në kandarë gjykimi
Meshkujsh të paskrupuj

Në natën e këtij qyteti
Në mes te errësirës gjendet shpresa
Në portat e njê shtëpie të vjetër
Nata pastron mëkatet…
…e ditës tjetër.

(Poezia e Liridon Mulajt është në mesin e dhjetë poezive finaliste të edicionit të dytë të konkursit poetik ‘KultStrofa’, organizuar nga KultPlus) / Fotografia: Arben Llapashtica