Poezi nga Erenestina Gjergji Halili

Pi venë
Pi venë mik,
pi venë,
për at’ qi shkoj pa ardh’ tjetra,
për at’qi giclon plag’t e vjetra,
për at’ qi s’vjen mâ, or tytjeta,
pi venë mik pi…!

Pi venë,
se jeta â rrenë,
se plaga kah t’bren,
se brenga â mbrenë, as jem’, as kem’,
pi mik,
pi venë…!

N’venë qit shpirtin, n’fat vnò gishtin,
ban bé n’mishin,
nji hurpë lenma mú!

Pi venë ti mike,
për fjalën e vonë qi s’prite e ike,
për kângën qi tash rreh teh thike,
për mbrâmjen rreth shtatit qi fike,
pi mike,
pi venë,
fundin lenma mú!/ KultPlus.com