Pytëm se qysh kam flejt mramë…
A e çova dor’zën e derës,
A e rrotullova çel’sin dy herë.
Nëse e fshiva buz’kuqin, apo e përpiva me gjithë vajin n’buzë.
Kopsat e fustanit qysh i k’puta, e qysh n’tokë u shpërndanë.
Pytëm se qysh kam flejt mramë…
A u mblova me çarçaf , apo u ngulfata n’të.
Nëse lashë dritë t’ndezun, apo terri me mu u ba një.
Pytëm a num’rova dele , bari kund a pashë.
A shfletova faqe librash , me personazhet a udh’tova si çdo natë.
A e përqafova jastëkun , dorën nër faqe a e lashë.
A pata kohë për andrra ,
Silueta ledhatimesh e fantazi puthjesh n’andërr mramë a pashë.
Pytëm qysh mramë flejta,
Qetesia e natës a m’kafshoi,
Drita e mëngjesit a m’i puthi prapë faqet…
Pytem qysh flejta mramë…

Xh.Tërbunja