Poezi nga Rozafa Shpuza

Vitrina e butikut në Zhanë d’Ark
mjegullohet prej hukamës së fshesares
që thith’ mirfilli nji gacë natore.
Mbështetë në shisën rrumeqe
lidhun me spagë thasësh,
kapërdin’ si n’jerm tymnajën djallëzore,
mandej shkundë hinin e dalldisë
që i mpinë rranzat e kofshëve
t’epshume marrisht
nga vikama e drujtë e manekinit.
Krejt përhupshëm,
i ngjeshet edhe ma fort vitrinës
e harrohet n’nji përqafje krahësh kallkan,
ku varet nji etiketë me ulje çmimi…

Po semafori din veç me përqeshë
e ajo përmendet tue shtypë me thembër
bishtin e fikun të andrrës. / KultPlus.com