Poezi nga Wolfgang Borchert

Përkthyer nga Arben Lepaja

Shiu ec si një plakë

me mërzi të heshtur nëpër tokë.

Flokët e lagur, mantelin e përhimët,

nganjëherë ngre dorën lart.

E troket e dëshpëruar nëpër xhama

ku lëvizin fshehurazi perdet.

Vajza duhet të rrijë brenda

e mu sot është kaq plot hare!

Atëherë e kap fryma plakën për flokësh

e njollat e saj bëhen njolla të egra

trimërisht i lë fustanet të fluturojnë

dhe kërcen vegullisht si një zanë!

Wolfgang Borchert (1921-1947), është poet dhe dramaturg gjerman. Shumica e krijimtarisë së tij letrare, përshkruan përvojën në ushtrinë hitleriane gjatë Luftës së Dytë Botërore. Poezia e tij, ashtu si edhe jeta, përshkohet nga notat e theksuara meditative për fatin e pashmangshëm që jo të gjithë arrijnë ta përballojnë me burrëri. /B.M/KultPlus