Poezi nga Nerimane Kamberi

Sonte bie shi në Prishtinë,
Lavanda është bërë qull në oborr të fakultetit,
Pret vapën e verës për të lulëzuar,
Fton kalimtarët për dashuri, me aromën e saj joshëse
Por ata vrapojnë nën çadra me hapa të shpejtë.
Këpus ca degë lule të pembe, lule të bardha
Te Instituti i Historisë
Nesër lulet do të bien, asgjë s’do të mbetet prej tyre
Asgjë s’do të mbetet nga kjo mbrëmje.
Pranvera paska ardh në Prishtinë
E nuk e kisha pa.