Poezi e shkruar nga Maya Angelou, përkthyer nga Blega Sheholli.

Mramë
E shtrime,
Tuj mendu qysh me ja gjetë
Shpirtit tem nji shpi,
Atje ku uji nuk asht i etun
Dhe buka nuk asht gurë
E m’ra n’mendje diçka
(E s’po besoj që jam gabim)
Se askush
Ama
Askush
S’mundet me ja dalë
vetëm n’këtë botë.
Vetëm për vetëm,
Askush s’mundet me ja dalë.
E tash nese m’dëgjoni mirë
Kam me ju kallxu at’ që e di,
Stuhitë e rrufetë janë tuj u bashkue
Era po frynë,
Raca e njerzimit po vunë
E unë e ndij britmën
“Se askush s’mundet me ja dalë
Vetëm n’këtë botë”.
Se, vetëm për vetëm,
Askush s’mundet me ja dalë.