zoti jem
s’pret brenda nji kishe
e s’ulet përmbi figurat e tempullit
zoti jem
asht fryma e refugjatit kur ai vrapon
asht duke jetu në barkun e fëmijës së vdekur urie
asht tiktaku i zemrës së protestës
zoti jem
nuk pushon mes faqesh
t’shkrueme prej njerëzve t’shenjtë
zoti jem
jeton mes kofshëve t’djersituna
të trupave t’grave t’shitun për pare
së fundi u pa duke larë kambet e njeriut t’pastrehë
zoti jem
s’asht aq i paarritshëm sa
ata thonë
zoti jem tundet brenda nesh pafundësisht

Rupi Kaur, “The Sun and Her Flowers”.
Përkthyese: Fatbardha Statovci