Këngëtarja, e cila njoftoi fejesën e saj me agjentin sportiv amerikan Rich Paul në fillim të këtij muaji, u tha fansave se po ndërtonte një jetë të re dhe tani do të bënte një pushim të pacaktuar nga muzika, sipas “Sky News”.

Adele u tha fansave të saj se nuk do t’i shohë ata për një kohë tepër të gjatë, pas përfundimit të turneut të saj evropian në Mynih të Gjermanisë.

36-vjeçarja u tha fansave se kishte nevojë për pushim dhe se donte të jetoja jetën e re që kishte ndërtuar.

Ylli i lindur në Londër njoftoi fejesën e saj gjatë një koncerti në Mynih në fillim të këtij muaji.

Adele ka njoftuar edhe më herët se do të bënte një “pauzë të madhe” nga muzika pas shfaqjeve të saj të fundit.

Ajo i ka kaluar dy vitet e fundit duke performuar në “The Colosseum” në Caesars Palace në Las Vegas dhe sapo ka përfunduar një seri shfaqjesh rekord në qendrën e ekspozitës Messe të Mynihut.

Gjatë 10 koncerteve në Gjermani, Adele shiti mbi 730,000 bileta – më shumë se çdo rezidencë jashtë Las Vegasit – te zhvilluara në një stadium me një kapacitet prej mbi 73,000 vendesh – duke e bërë atë arenën më të madhe të përkohshme të ndërtuar ndonjëherë.

Adele u bë e famshme, 19-vjeçe në vitin 2008 me albumin e saj të parë “19”, përpara se të publikonte albumin e saj të dytë, 21, në 2011 dhe 25, në 2015.

Albumi i saj i dytë është albumi i katërt më i shitur i të gjitha kohërave në BM, pas Queen, ABBA dhe The Beatles.

Ajo publikoi albumin e saj të fundit, 30, në nëntor 2021 duke shënuar një rikthim pas pesë vitesh pauze – dhe duke performuar në festivalin britanik Summer Time (BST) në Hyde Park verën e ardhshme – performanca e saj e fundit në BM.

Adele do të përfundojë shfaqjet e saj në Las Vegas në nëntor të këtij viti./ KultPlus.com