Brit Awards me simbolin e trëndafilit të bardhë, Rita Ora dhe Dua Lipa mbështesin kampanjën’Time’sUp’
Yjet e industrisë muzikorë të cilët janë duke marrë pjesë në BritAwards janë duke mbajtur trëndafila të bardhë gjatë parakalimit në tepihun e kuq, shenjë kjo përkrahëse ndaj kampanjës “Time’sUp”, kundër abuzimit seksual, shkruan KultPlus.

Mysafirët në shfaqjen më të madhe të çmimeve britanike të muzikës simbolin e trëndafilit të bardhë e kanë përshtatur me veshjet e tyre në përkrahje të lëvizjen Time’sUp.

Organizatorët e kësaj ngjarje patën njoftuar më herët se të gjithë të ftuarve do ju dhurohet nga një trëndafil i bardhë, mirëpo do të mbetet zgjedhje e tyre nëse duan që ta mbajnë atë apo jo.
Një gjë të tillë e kanë bërë edhe këngëtaret Dua Lipa dhe Rita Ora të cilat kanë mbajtur në duar nga një trëndafil gjatë parakalimit.

Rita Ora është paraqitur me trëndafil të bardhë edhe gjatë çmimeve GrammyAwards, ku kishte veshur një fustan të zi. Pikërisht në këtë ceremoni filloi edhe përdorimi i trëndafilit të bardhë si simbol për përkrahje të kësaj lëvizje./KultPlus.com