Era Istrefi së bashku me Will Smith dhe Nicky Jam janë duke mbajtur konferencën për media para performancës së tyre, në finalen e Kampionatit Botëror, shkruan KultPlus.

Era Istrefi është pjesë e këngëtarëve të këngës zyrtare të këtij kampionati – ‘Live it up’, bashkë me Will Smith dhe Nicky Jam.

“Është hera e parë në Rusi njerëzit po shihen shumë miqësor dhe jam e lumtur që jam këtu për të parë bukuritë e Rusisë”, është shprehur Era Istrefi.

Po ashtu e pyetur se cili ka qene momenti më i rëndësishëm gjatë kampionatit ajo është përgjigjur se loja e Zvicrës kundër Serbisë, ku edhe kanë shënuar dy shqiptarë.

“Më pëlqen Cristiano Ronaldo dhe mënyra sesi ai shënoi dy gola gjatë lojës me Spanjën më pëlqen pasioni i tij dhe përkushtimi që ka ndaj futbollit”, është përgjigjur Era Istrefi kur është pyetur se cili është lojtari i saj i preferuar.

Tutje ajo ka vazhduar” Mirëpo mendoj që puna që bënë Lionel Messi së bashku me Cristiano Ronaldo, është mbresëlënëse pasi që të dy luajnë më shumë pasion”./KultPlus.com