Ende pa kaluar euforia për performancën e saj në finalen e kampionatit botërorë ku ajo performoi së bashku me Will Smith dhe Nicky Jam këngën e botërorit “Live It Up”, Era Istrefi kthen vëmendjen tek ajo, tashmë me videoklipin e këngës së saj më të re “Prisoner”, shkruan KultPlus.

Kënga është publikuar në versionin audio në muajin qershor, ndërsa tashmë ajo sjellë edhe videoklipin e këngës i cili është xhiruar në Jamaica me regjisorin Eddie Sears dhe pritet të shënojë një tjetër sukses për këngëtaren kosovare me famë ndërkombëtare.

Era Istrefi është duke shënuar histori me suksesin e saj të cilin e arriti krejt papritur me këngën ‘Bon Bon’, duke depërtuar kështu në mbar botën, sukses ky që i rezultoi me kontratë të re dhe tashmë suksese të pandalshme./KultPlus.com