Të dy shqiptarët që këtë vit marrin pjesë në Eurovizion, nga tre gjithsej, tanimë kanë mbajtur provat e tyre të para në skenën e madhe të muzikës.

Eugent Bushpepa dhe Eleni Foureira kanë mbajtur provat e para, i pari për Shqipërinë ndërsa Eleni për Qipron.

Të dy performancat janë komentuar pozitivisht, pasi Eurovizioni publikon vetëm pak sekonda nga provat jo dhe tërësinë e tyre. Eugenti ka marrë kritika positive për zërin e tij ndërsa është komentuar rreth mundësisë së përmirësimit të skenografisë.

Ajo që ka qenë në zjarr me provën e saj të parë është Eleni Foureira. Ajo tanimë ka marrë rreth 400 mijë shikime në vetëm dy ditë, me provën e saj, dhe kënga “Fuego” duket se e konfirmon titullin e saj.

Derisa presim provat e dyta në skenën e Eurovizionit, cila mendoni ju se ishte prova më e mirë, ajo e Eugentit apo ajo e Elenit ? Është ende herët por mund të gjejmë të mirat dhe dobësitë e këtyre performancave. / KultPlus.com