Kryekonomistja e Fondit Monetar Ndërkombëtar (FMN), Gita Gopinath është një nga gratë e shquara të vitit 2020, në edicionin indian të revistës prestigjioze “Vogue”.

Indo-amerikania 48-vjeçare, Gita Gopinath, është votuar si liderja e mendimit botëror nga “Vogue India”.

Ajo është gruaja e parë që zuri këtë pozicion brenda institucionit ekonomik, pas marrjes së detyrës në janar 2019, një vit para se pandemia COVID-19 të trazonte ekonominë globale, duke shkaktuar një krizë të paparë.

Që nga ajo kohë, ajo rregullisht u bën thirrje vendeve të shpenzojnë për të ndihmuar ekonominë të rimëkëmbet dhe të mbështesë popullatat, duke shprehur keqardhje për rritjen e pabarazive.

“Disa vendime nuk mund të shtyhen më. Një rimëkëmbje më e gjelbër është e nevojshëm për të parandaluar rreziqet katastrofike nga ndryshimi i klimës. Në të ardhmen, bota duhet të jetë më pak e pabarabartë, me qasje universale në arsim, kujdes shëndetësor dhe rrjetat e sigurisë sociale”, shprehet Gopinath në “Vogue”.

Para FMN-së, Gita Gopinath ishte profesoreshë ekonomie në Universitetin e Harvardit/AFP/ KultPlus.com