Të famshmit shpeshherë përdorin platformat të ndryshme për të përhapur ndërgjegjësimin për çështje të rëndësishme. Diçka të tilla ka bërë pikërisht së fundi aktori Harrison Ford, i cili ka folur për rëndësinë që ka mjedisi por jo vetëm, përcjellë KultPlus.

Duke folur në Samitin Global të Veprimit Klimatik në San Francisko këtë javë, aktori 76-vjeçar dhe aktivisti i palodhur klimatik nxori një paralajmërim të matur: “Nëse nuk e ndryshojmë rrugën që ne jemi sot, e ardhmja e njerëzimit është në skaj”.

Për gati 27 vjet, Ford ka punuar për grupin e mjedisit Conservation International, i cili mbështet shkencëtarët nga e gjithë bota të cilët po punojnë për të identifikuar dhe kapërcyer kërcënimet ndaj biodiversitetit.

“Stop giving power to people who don't believe in science.” – Harrison Ford pic.twitter.com/Ywja01Z7Qi

— AJ+ (@ajplus) September 14, 2018

Por, siç Ford bën të qartë në fjalimin e tij të fundit dhe të pasionuar, asnjë nga këto punë nuk ka rëndësi nëse e mohojmë realitetin e ndryshimeve klimatike dhe kolektivisht harrojmë natyrën projektet që realizojnë korporatat dhe shteti.
“Ne mund të vendosim panele diellore në çdo shtëpi, ne mund ta kthejmë çdo makinë në një automjet elektrik, por për aq kohë sa Sumatra digjet, ne do të kemi dështuar,” është shprehur ai, shkruan sciencealert.com

Ai tutje ka kërkuar nga të pranishmit që të votojnë për njerëz të cilët besojnë në shkencë dhe veprojnë në bazë të saj dhe jo të interesave të tyre.

“Stop për hir të Zotit denigrimin e shkencës! Ndaloni së dhëni pushtetin njerëzve që nuk besojnë në shkencë, ose më keq se kjo, pretendojnë se nuk besojnë në shkencë për interesin e tyre vetjak”, është shprehur ai./ KultPlus.com