Janë zbuluar kësisoj të gjitha vajzat konkurrente për spektaklin e bukurisë Miss Franca.

Më të bukurat e Francës, 30-të vajza nga qytete të ndryshme të Francës, tanimë janë në garë për promovimin e tyre dhe kësisoj për të marrë votën e publikut, shkruan KultPlus.

Në mesin e kandidateve është edhe shqiptarja Kleofina Pnishi – Miss Provence. Ajo madje është një ndër katër favoritet për ta fituar garën, bashkë me Miss Afrikën e Jugut, Miss Bordeaux dhe Miss Cote d`Azur.

Pnishi është 23 vjeçare, 1.70 e gjatë ndërsa ka fituar me 29 korrik të këtij viti titullin e më të bukurës në Miss Provence.

“Ka qenë ëndërr e imja ta përfaqësoj Provence në këtë konkurs bukurie. Ta fitoj titullin e më të bukurës në Francë do të mi hapte dyert për më tutje” tregon Pnishi për CNEWSMatin.

Ajo ka një interes për gazetarinë pasi edhe e ka studiuar këtë fushë. Rreth 50 mijë persona e përcjellin atë në rrjetin social Instagram ndërsa është edhe e pëlqyer në Facebook, në mesin e vajzave tjera që konkurrojnë.

Pnishi ka luajtur edhe disa role në projekte filmike, përfshirë Plus belle la vie, Le mystère du Lac dhe Meurtres au Mont Ventoux.

Spektakli do të mbahet me 16 dhjetor në podiumin e Châteauroux. / KultPlus.com