Fiton vendin e tretë në konkursin e bukurisë “Miss Italia 2018” me këmbën protezë. Chiara Bordi 18-vjeçare, 6 vite më parë pësoi një aksident me motor dhe që prej gjashtë vjetësh ajo mban një protezë në këmbë.

Chiara bëhet kështu konkurrentja e parë në historikun e “Miss Italia”, që garoi me një këmbë protezë për kurorën e këtij titulli. Në rrjetet sociale ajo pati edhe shumë kritika nga komentuesit, të cilët shkruanin se asaj iu dha çmimi për mëshirë dhe jo se e meritonte atë.

“Po, mua më mungon një këmbë, por ty të mungon zemra dhe truri. Unë nuk jam e interesuar të fitoj, por t’i tregoj botës se jeta është ende e bukur kur rilind pas një ngjarje tragjike”, ia kthen një komentuesi në Facebook Chiara.

Ndërsa kurorën e më të bukurës në Itali e fitoi 26-vjeçarja, Carlotta Maggiorana. E dyta në klasifikim është Fiorenza D’Antonio, 21-vjeçarja nga Napoli me sy jeshil dhe flokë biond./ KultPlus.com