Koncerti i Rita Orës që u mbajt për shënimin e dhjetëvjetorit të Pavarësisë së Kosovës në Prishtinë, ende po shpërfaqet në mënyra të ndryshme, duke shpërndarë emocionet e këtij koncerti, që po vlerësohet ti ketë mbledhur rreth 300 mijë qytetarë, shkruan KultPlus.

Po për dallim prej viteve më të hershme, kur koncerti është shijuar vetëm duke parë artistin dhe duke dëgjuar muzikën, tashmë është trendi tjetër, për të filmuar koncertin me celularë.

Driton Bublaku, fotograf, ka realizuar këtë fotografi, pikërisht në koncertin e Rita Orës ku shihet audienca me telefona në duar, të cilët janë duke marë pamje dhe incizuar koncertin e të famshmes Rita./ KultPlus.com