Meghan e Harry kanë hapur një llogari të tyren në “Instagram”, që vetëm në pak ditë ndiqet nga mbi 4 milionë persona.

Në prag të të bërit prindër, çifti mbretëror falënderon ata që i kanë qëndruar pranë gjatë pritjes së fëmijës së tyre të parë, por bënë një apel: “Mos na bëni dhurata neve, bëni bamirësi”, transmeton tch.

Në postimin e publikuar shkruhet:
Duka dhe dukesha e Sussex janë jashtëzakonisht mirënjohës për shprehjen e dashurisë dhe mbështetjes në prag të lindjes së fëmijës. Çifti ka planifikuar prej kohësh të inkurajojë publikun të heqin dorë nga dhuratat dhe më mirë të bëjnë një donacion për shoqatat që mbështesin fëmijët dhe prindërit në vështirësi.

Nëse kë bërë një donacion, çifti të falënderon pafundësisht, nëse po e mendon ta bësh, atëherë mund t’u drejtohesh organizatave @thelunchboxfund, @littlevillagehq, @wellchild, e @baby2baby. Faleminderit për dashurinë tuaj”. / KultPlus.com