Rita Ora ka marrë para pak ditësh çmimin për bamirësi të dhuruar nga Variety + HM.

Çmimin Conscious Award Rita Ora e merr në edicionin e parë të ndarjes së këtij çmimi, për punën e saj filantropike.
“Unë kam nisur punën në bamirësi pasi nëna ime është e shpëtuar nga kanceri i gjirit ndërsa me gjithë situatën aktuale në botë të refugjatëve, mendoj se është me rëndësi ti ndihmojmë njëri tjetrit” ka thënë në skenë Rita kur ka pranuar çmimin.

Rita ka treguar se ndihet krenare që po ndihmon, me prapavijën e saj si refugjate. Ajo ka treguar se edhe situata e fundit në Londër, me fatalitetin e Grenfell Tower e ka prekur shumë dhe ka zgjuar tek ajo dëshiron për më shumë bamirësi, shkruan KultPlus.

“Dua tu tregoj refugjatëve se nuk janë të vetëm” ka treguar mes tjerash Rita në këtë ceremoni në Hollywood. / KultPlus.com